ഓളം തുള്ളുമീ കുളിർ മഴയിൽ
തളിർ പൊട്ടി വിടരുമീ തെളിമഴയിൽ
താലോലമാട്ടുന്നതാര് നിന്നെ താലോലമാട്ടുന്നതാര്
കാറ്റിന്റെ കൈകളാണോ ഒരു
കള്ളന്റെ കൈകളാണോ
താലോലമാട്ടുന്നതാര് എന്നെ താലോലമാട്ടുന്നതാര് (താമരമൊട്ടേ...)
കുളിരോടു കുളിരണിഞ്ഞു നെഞ്ചിൽ
മലരോടു മലർ വിരിഞ്ഞു
പുതുമണ്ണിൻ മണമൂറും പുതുമഴയിൽ
പുൽകി വിടർത്തുന്നതാര് നിന്നെ
പുൽകി വിടർത്തുന്നതാര്
പൊന്നലച്ചാർത്തുകളോ ഒരു
ചുണ്ടിന്റെ കുസൃതികളോ
താലോലമാട്ടുന്നതാര് നിന്നെ താലോലമാട്ടുന്നതാര് (താമരമൊട്ടേ...)
മുത്തോടു മുത്തിണങ്ങി രാഗ
മുത്തങ്ങൾ ചേർന്നിണങ്ങി
കെട്ടിപ്പിടിക്കുന്ന നേരമെന്നോമന
ഞെട്ടിത്തരിക്കുന്നതെന്തേ വീണ്ടും
ഞെട്ടിത്തരിക്കുന്നതെന്തേ
ആദ്യത്തെ ലജ്ജ കൊണ്ടോ അതോ
ആ കരവിദ്യ കൊണ്ടോ
താലോലമാട്ടുന്നതാര് നിന്നെ താലോലമാട്ടുന്നതാര്(താമരമൊട്ടേ...)
ചിത്രം/ആൽബം: പച്ച നോട്ടുകൾ
ഗാനരചയിതാവു്: ശ്രീകുമാരൻ തമ്പി
സംഗീതം: എം കെ അർജ്ജുനൻ
